Շաբաթ 6 հոկտեմբեր 2012-ի առաւօտեան ժամը 11-ին Պենետիկտոս ԺԶ Սրբազան Քահանայապետը Վատիկանի
իր գրասեանեակի մէջ հերթաբար ընդունեց Եպիսկոպոսներու Ժողովի կառավարիչ` Կարդինալ Մարք
Ուելլէն ու ապա Քրիստոնեաներու Միութեան Քահանայապետական Խորհուրդի նախագահ` կարդինալ
Գիւրտ Գոխը որ, նշենք, վերջերս այցելած էր Հայաստանը։
Իսկ երէկ ուրբաթ յետ միջօրէին,
Սրբազան Հայրը պատգամ մը ուղղած էր Վատիկանի ոստիկանական մարմնին, իրենց պահապան սուրբ`
Միքայել Հրեշտակապետի տօնին առթիւ։ Նորին Սրբութիւնը գնահատանքը յայտնած է անոնց նուիրումի
հոգիի եւ առատաձեռն գործունէութեան Սուրբ Պետրոսի յաջորդին ծառայութեան մէջ ու վատիկանի
բնակիչներուն ու այցելուներուն անվտանգութիւնը եւ հասարակական կարգը ապահովելու համար։
Նորին Սրբութիւնը ապա յայցած է Տիրամօր եւ Միքայել հրեշտակապետի բարեխօսութիւնը ու բոլորին
ուղղած է առաքելական յատուկ իր հայրկան օրհնութիւնը։
Վաղը կիրակի 7 հոկտեմբերին
առաւօտեան ժամը 9.30-ին,Պենետիկտոս ԺԶ Սրբազան Հայրը Սուրբ Պետրոսի հրապարակի վրայ մատուցած
ու գլխաւորած Սուրբ պատարագի արարողութեամբ, պաշտօնական բացումը կը կատարէ եպիսկոպոսական
Սիւնհոդոսի 13րդ ընդհանուր ժողովին (7-28 հոկտեմբեր) որ ունի որպէս նիւթ <<Նոր աւետարանացում
ի սպաս Քրիստոնէական հաւատքի փոխանցման>>։Պատարագին իրենց մասնակցութիւնը կը բերեն կարդիկանալան
դասի անդամներ ու սիւնհոդոսական բոլոր հայրերը որոնց շարքին նաեւ Տանն Կիլիկիոյ Կաթողիկէ
Հայոց Կաթողիկոս Պատրիարք` Ներսէս Պետրոս ԺԹ։ Սուրբ արարողութեան ընթացքին Սրբազան
Քահանայապետը եկեղեցւոյ վարդապետ կը հռչակէ գերմանացի կրօնաւորուհի` Սրբուհի Հիլտէկարտ
Տէ Պինկէն (1098 - 1179) եւ սպանացի քարոզիչ` Սուրբ Ժան տ՛Ավիլան (1500-1569)։ Նոր
Աւետարանութեան եպիսկոպոսական սիւնհոդոսի գործնական աշխատանքները սկիզբ կ՛առնեն երկուշաբթի
8 հոկտեմբերին եւ կը վերջ կը գտնեն կիրակի 28 հոկտեմբերին, Սրբազան Քահանայապետի գլխաւորած
ու մատուցած հանդիսաւոր սուրբ պատարագի արարողութեամբ։