Бэнэдыкт XVI павіншаваў ватыканскіх жандармаў з іх святам
Бэнэдыкт XVI скіраваў
спецыяльнае пасланне ў адрас Ватыканскай жандармерыі з нагоды яе прафесійнага свята,
якое адзначаецца штогод у дзень нябеснага апекуна гэтай вайсковай адзінкі, св. Міхала
Арханёла. Святы Айцец выказаў сваю шчырую павагу жандармам. “Я выказваю кожнаму з
вас маю сардэчную падзяку за вернасць, запал і дух ахвярнасці, з якімі вы сведчыце
сваё шчодрае служэнне Наступніку св. Пятра, гарантуючы таксама ахову грамадскага парадку
і бяспеку тых, хто жыве ў Ватыкане або штодзённа прыбывае сюды”, - адзначыў у сваім
лісце Папа.
Святы Айцец выказаў спадзяванне, што камендант жандармерыі, яе
капелан, кіраўнікі падраздзяленняў, камісары, інспектары будуць працягваць з даверам
і спакоем доўгую і годную традыцыю ўзорнага служэння паводле духа Евангелля.