Մամլոյ Ասուլիս Ներկայացնելու Նոր Աւետարանացումի Մասին Եպիսկոպոսական Սիւնհոդոսը:
Ուրբաթ 5 հոկտեմբերի առաւօտեան ժամը 10.30-ին Սուրբ Աթոռի Մամլոյ գրասենաեկի ՅՊԲ անուան
սրահին մէջ եպիսկոպոսներու սիւնհոդոսի ընդհանուր քարտուղար` գերապայծառ Էթէրովիչը մամուլին
ներկայացուց, 7 - 28 հոկտեմբեր, վատիկանի մէջ կայանալիք, եպիսկոպոսական Սիւնհոդոսի 13րդ
ընդհանուր ժողովը որ ունի որպէս նիւթ << Նոր աւետարանացում ի սպաս Քրիստոնէական հաւատքի
փոխանցման>>։ Նշենք որ Սիւնհոդոսի բացումը տեղի կ՛ունենայ կիրակի 7 հոկտեմբերին Սուրբ
Պետրոսի մէջ Սրբազան Քահանայապետի գլխաւորած Սրբազան aրարողութեամբ որուն պիտի մասնակցին
սիւնհոդոսական բոլոր հայրերը։ Որպէս Արեւելեան Կաթողիկէ Եկեղեցիներու անդամ` իր մասնակցութիւնը
կը բերէ նաեւ Տանն Կիլիկիոյ Կաթողիկէ Հայոց Կաթողիկոս-Պատրիարք` Ամենապատիւ Տէր Ներսէս
Պետրոս ԺԹ։ Նշենք նաեւ որ վերոյիշեալ Սիւնհոդոսին հրաւիրուած են նաեւ Քոյր եկեղեցիներու
ներկայացուցիչներ։ Մայր Աթոռ Ս. Էջմիածնի Կաթողիկոսութիւնը կը ներկայացնէ` Գեւորգեան
Աստուածաբանութեան մասնաճիւղի տնօրէն Արհիապատիւ Գէւորգ Սրբազան Սարոյեանը իսկ Մեծի Տանն
Կիլիկիոյ Կաթողիկոսութեան կողմէ սիւնհոդոսին ներկայ կը գտնուի Հայր Մասիս Զօպուեան` Մեծի
Տանն Կիլիկիոյ Կաթողիկոսութեան քրիստոնէական դաստիարակութեան մասնաճիւղի տնօրէն։ Սիւնհոդոսական
աշխատանքները կը սկսին երկուշաբթի 8 հոկտեմբերի առաւօտեան ժամը 9-ին եւ նոյն օրը ժամը
12.45-ին, միշտ Սուրբ Աթոռի մամլոյ գրասենաեկի մէջ նախատեսուած է, Եպիսկոպոսական Սիւնհոդոսի
13րդ Ընդհանուր Հաւաքին (7-28 հոկտեմբեր 2012), << Բանավէճէն առաջ Տեղեկագիր>> ի ներակայցումը
։ Աւելցնենք որ Սիւնհոդոսական Հայրերը յառաջիկայ 11 հոկտեմբերին իրենց մասնակցութիւնը
պիտի բերեն Սրբազան Քահանայապետին, Հաւատոյ Տարւոյն բացման արարողութեան առթիւ, մատուցած
Սուրբ Պատարագին։