ഭൂമി തേടി ഒരു പദയാത്ര - ദളിതരുടെയും അസ്പര്ശ്യരുടെയും ഡല്ഹി മാര്ച്ച്
4 ഒക്ടോബര് 2012, മദ്ധ്യപ്രദേശ് ഭാരതത്തിലെ ഭവനരഹിതരായ ആയിരങ്ങള് പ്രതിഷേധ പദയാത്ര
ആരംഭിച്ചു. ദളിതരും അസ്പര്ശ്യരുമായ ആയിരക്കണക്കിന് പാവങ്ങളാണ് പാര്ക്കാനും അതിജീവനത്തിനും
ഭൂമി അവകാശപ്പെട്ടുകൊണ്ട് തലസ്ഥാന നഗരിയിലേയ്ക്ക്, ഓക്ടോബര് 3-ാം തിയതി ബുധനാഴ്ച
മദ്ധ്യപ്രദേശിലെ ഗ്വാളിയോറില്നിന്നും, പ്രതിഷേധ പദയാത്ര ആരംഭിച്ചത്.
ഡല്ഹിയിലേയ്ക്ക്
350 കിലോമീറ്റര് കാല്നടയായി നീങ്ങുന്ന അടിസ്ഥാന മനുഷ്യാവകാശത്തിനായുള്ള പ്രതിഷേധ മാര്ച്ചിന്
നേതൃത്വം നല്കുന്നത് ‘ഏക്താ പരിഷത്’ എന്ന ദളിതരുടെയും ഗോത്രവര്ഗ്ഗക്കാരുടെയും അവകാശങ്ങള്ക്കായി
വാദിക്കുന്ന സാമൂഹ്യ സംഘടനയാണ്. നിരവധി ചെറിയ സമൂഹ്യ-സന്നദ്ധ സംഘടകളുടെ പിന്ബലത്തോടെ
നീങ്ങുന്ന, സ്ത്രീകളും കുഞ്ഞുങ്ങളും അടങ്ങുന്ന ‘പാവങ്ങളുടെ മനുഷ്യക്കൂട്ടം’ ഒക്ടോബര്
28-ാം തിയതി ന്യൂ ഡെല്ഹിയിലെ പാര്ലിമെന്റ് മന്ദിരത്തിനു മുന്നില് സമ്മേളിച്ച് പ്രതിഷേധമറിയിക്കുമെന്ന്,
സംഘാടക സമിതിയുടെ വക്താവ്, പി.വി. രാജഗോപാല് മാധ്യമ സമ്മേളനത്തില് വെളിപ്പെടുത്തി.