Վատիկանի Արտգործ Նախարարի Ելոյթը Մակի 67րդ Վեհաժողովին: Սուրիոյ Տագնապը կը լուծուի
Միջազգային Օրէնքները Յարգելով։ Մակը Բարեկարգումի Պէտք ունի։
Սուրբ Աթոռի Արտգործ Նախարար Գերապայծառ Տոմինիք Մամպերթի` Նիւ Եորքի Մակի 67րդ Վեհաժողովին
ելոյթ ունենալով հաստատած է թէ Սուրիոյ Տագնապի ոչ մի լուծում կարելի է եթէ չյարգուին
միջազգային օրէքները >>։Ապա մատնանշած է թէ Միացեալ Ազգերու Կազմակերպութիւնը բարեկարգումի
կարիքը ունի։ Մակը - ըսած է գերապայծառ Մամպերթին - իր հիմնարկութենէն 67 տարիներ ետք
կը նմանի հսկայի մը կաւէ ոտքերով ու այսօրուայ իրողութեամբ ազդեցութիւն չունի միջազգային
իրադարձութիւններոն վրայ։ Իր հիմնարկութենէն ասդին Մակը խաղաղութեան ի սպաս <<տիեզերական>>
հանգամանք ունեցող օրէնսդրութիւններ հաստատեց։ Մարդու իրաւունքի պաշտպանութիւն հիւլէական
զինադափում, տարածաշրջանային, քաղաքացիական եւ երկողմանի հակամարտութիւններու կարգաւորում...
արդ ինչպէս ուրեմն կարելի չէ արդար ու ճշմարիտ համաշխարհային կառավարելիութիւն մը ստեղծել
- հարց տուած է Վատիկանի դիւսանագէտը>> ու մէջբերելով Պենետիկտոս ԺԶ խօսքերը կոչ ուղղած
է Մակին վերատեսելու համար իր իքնութիւնը, հաստատելով որ Սուրբ Աթոռի այս առաջարկը, բարոյական
պահանջի մը պատասխանն է. Հարց տալու ենք - աւելցուցած է գերապայծառ մամպերթին - եթէ
երկրագունդը յուզող ճգնաժամերը կապակցութիւն չ̓ունին մարդաբանական խոր տագնապի հետ,
այսինքն այն ընդհանուր ըմբռնումի պակասին թէ իրականութեան մէջ ի՞նչ է մարդը ։Այս կէտէն
մեկնելու ենք վերակարգելու համար Մակի զանազան մասնճիւղերը ունենալով հիմնական արժէքներու
շուրջ համատեղ ըմբռնում իչպէս մարդկային արժանաւորութեան յարգանքը, ի մասնաւորի կրօնի
ազատութիւնը եւ մադկային ամբողջական զարգացումի յառաջացումը որ իրաւական, տնտեսական,
հասարակական պայմաններ ստեղծէ որ կարենան արտացոլել մարդու արժանաւորութեան կարեւորութիւնը
ըլլայ անհատական եւ ըլլայ հաւաքական գետնի վրայ։