Papa: në Loreto për t’iu lutur Zojës së Bekuar për misionin e Kishës
“Virgjëra e Shenjtë e shoqëroftë Kishën në misionin e saj të kumtimit të Ungjillit
burrave e grave të kohës sonë”. Me këto fjalë Papa Benedikti XVI e përfundoi sot
Audiencën e Përgjithshme, mbajtur paradite në Sheshin e Shën Pjetrit në Vatikan. E
me këtë rast Ati i Shenjtë Ratcinger kujtoi se nesër do të shkojë për vizitë në Shenjtëroren
e Zojës në Loreto, me rastin në 50-vjetorit të shtegtimit të njohur të Papës së Lum
Gjonit XXIII, një javë para hapjes së Koncilit II të Vatikanit në tetor të vitit 1962: “Ju
kërkoj të bashkoheni me lutjen time për t’ia besuar Nënës së Zotit, ngjarjet kryesore
kishtare, të cilat do t’i përjetojmë së shpejti: Vitin e Fesë dhe Sinodin e Ipeshkvijve
për Ungjillëzimin e Ri. Virgjëra e Shenjtë e shoqëroftë Kishën në misionin e kumtimit
të Ungjillit për burrat e gratë e kohës sonë”.