Факельнае шэсце да 50-годдзя ІІ Ватыканскага сабору
У 50 гадавіну пачатку
ІІ Ватыканскага сабору, 11 кастрычніка, па Рыме пройдзе працэсія з факеламі. Як паведамляе
сённяшняя “ L‘Osservаtore Romano”, такое ж факельнае шэсце да плошчы св. Пятра адбылося
роўна 50 гадоў таму. Тады папа Ян ХХІІІ звярнуўся да ўдзельнікаў з вакна Апостальскага
палацу са сваёй славутай прамовай. Арганізатарам акцыі з’яўляецца рух Каталіцкая акцыя
ў супрацоўніцтве з Рымскай дыяцэзіяй. Да ўдзелу ў ёй запрошаны асацыяцыі, рухі і каталіцкія
групы з усёй Італіі. Шэсце пройдзе вечарам пасля ўрачыстасцяў адкрыцця Года веры.
Яго мэта, паводле арганізатараў, ажывіць памяць аб апошнім Саборы, а факелы дапамогуць
вернікам узгадаць, што яны – сведкі святла і надзеі.