Кітайскія іерархі звязваюць Год Веры з навучаннем Святога Айца
На заклік Бэнэдыкта
ХVI – глыбока і адкрыта правесці Год веры, які пачнецца ў Каталіцкім Касцёле 11 кастрычніка,
адказала некалькі кітайскіх біскупаў. Біскуп Жан Джун Рэн з дыяцэзіі Гуанчжоў у сваім
спецыяльным звароце да вернікаў адзначыў, што вера – гэта эстафета, якую мы перанялі
ад нашых продкаў, і наш абавязак – перадаваць яе. Ён паклаў націск на тое, што ўсе
католікі “павінны ў жыцці прытрымлівацца навучання Папы, каб максімальна адчыніць
брамы веры”. У сваім сумесным лісце біскупы дыяцэзіі Тайюань, яе ардынарый, біскуп
Сільвестэр Лі і каад’ютар, біскуп Паўлюс Менг, падкрэслілі, што Год Веры ў іх дыяцэзіі
пройдзе з акцэнтам на навучанне Бэнэдыкта ХVI.
Інфармацыйнае агенцтва “Fides”
падкрэслівае важнасць таго, што менавіта кітайскія іерархі звязваюць правядзенне Года
Веры з навучаннем Святога Айца, паколькі ўлады краіны намагаюцца знішчыць сувязь,
якая існуе паміж Каталіцкім Касцёлам у краіне і Апостальскай Сталіцай.