Былы камердынер Пантыфіка настойвае на сваёй нявінаватасці
2 кастрычніка працягнуўся
судовы працэс над былым камердынерам Пантыфіка Паўла Габрыэле. Суддзі заслухалі самаго
абвінавачанага. Ён паскардзіўся на псіхалагічны і іншы ціск напрацягу першых 15-20
дзён затрымання. “Камера была такая маленькая, што я не мог развесці рукі. Святло
гарэла напрацягу 24 гадзін”, - заявіў абвінавачаны і дадаў, што гэта дрэнна адбілася
на яго зроку. Ён таксама пакрыўдзіўся на адсутнасць падушкі і некаторыя іншыя бытавыя
нязручнасці ў камеры. Па сутнасці, аднак, прызнаў сваю віну ў тым, што злаўжыў даверам
Святога Айца, але не прызнаў віны з абцяжарваючымі абставінамі і тое, што здзейсніў
крымінальны ўчынак. Габрыэле настойваў на тым, што не меў саўдзельнікаў, але назваў
сем чалавек, якія на яго “паўплывалі”.
Кіраўнік Залы Друку Апостальскай Сталіцы
кс. Фэдэрыка Ламбардзі паведаміў, што у камеры, дзе ўтрымліваўся пад арыштам Габрыэле,
былі вытрыманы “міжнародныя стандарты, якіх вымагаюць пагадненні, падпісаныя Ватыканам”.
Аднак сёння, у сувязі са скаргамі абвінавачанага, суддзя Пікардзі паведаміў, што быў
зроблены спіс з 39 пунктаў для стварэння добрых умоў утрымання вязня і аказання яму
неабходнай медыцынскай і духоўнай дапамогі. Кс. Ламбардзі адзначыў, што слуханні будуць
працягвацца, і, верагодна, напрыканцы гэтага тыдня будзе вынесены прысуд.