Պենետիկտոս ԺԶ Սրբազան Քահանայապետի Գործունէութիւնը։
Նորին Սրբութիւնը Վերադարձաւ Վատիկան։

Երկուշաբթի 1 հոկտեմբեր 2012-ին առաւօտեան ժամը 11.30-ին Պենետիկտոս ԺԶ Սրբազան Քահանայապետը հրաժեշտ առաւ Գասթել Կանտոլֆոյի Քահանայապետա կան ամարանոցէն ու վերջնականօրէն վերադարձաւ Վատիկան ուրտեղէն, յառաջիկայ 4 հոկտեմբերին, առաքելական այցելութեամբ կը մեկնի դէպի Լորէթոյի Սրբավայրը, Տիրամօր հովանիին յանձնելու յառաջիկայ եպիսկոպոսական սիւնհոդոսի աշխատանքներն ու Հաւատոյ Տարին։
Պենետիկտոս ԺԶ Լորէթոյի սրբավայրի բացօթեայ տարածքին վրայ պիտի մատուցէ սուրբ պատարգ մը հանդիսանալով այսպէս պատմութեան մէջ առաջին Քահանայապետը որ բացօթեայ սուրբ պատարագ կը մատուցէ Լորէթոյի մէջ։
Նշենք որ 1294էն ասդին Լորէթոյի սրբավայրը այցելած են 12 քահանայապետներ որոնց առաջինը եղած է Կղեմես Ե քահանայապետը (18 յուլիս 1310-ին)։
Լորէթոյի սրբավայրը ճանչցուած է որպէս <<Սեւ Աստուածածինի>> սրբավայր։ Այս անունը տրուած է հոն պահպանուած Տիրամօր արձանին համար որուն դէմքը մութ գոյն ունի։ 14րդ դարու արձանը 1921-ին հրդեհի պաճառաւ կործանուած էր։ Այսօրուայ կրկնօրինակը 1922-ին քանդակուած է լիբանանու մայրիի ծառէն առնուած կոթողի վրայ եւ գործն է Լէոբոլտօ Չէլանիի։