Սրբազան Քահանայապետի Ընկերային Հաղորդամիջոցներու Համաշխարհային 47րդ Օրուայ Պատգամը։
Ընկերային Հաղորդամիջոցներու Համաշխարհային 47րդ օրուայ ` Պենետիկտոս ԺԶ Սրբազան Քահանայապետի
պատգամի նիւթն է <<Հասարակական ցանցեր. ճշմարտութեան ու հաւատքի դռներ, աւետարանութեան
նոր վայրեր>>։ Պատգամը պիտի հրատարակուի յառաջիկայ 24 յունուար 2013-ին լրագրողներու
պաշտպան սուրբ` Սուրբ ֆրանչէսկոս Սալէսի (1567-1622) տօնին օրը։ Ընկերային հաղորդակցութեան
միջոցներու քահանայապետական խորհուրդի` 29 սեպտեմբերին, հրատարակած հաղորդագրութեան մէջ
կը նշուի թէ վերոյիշեալ նիւթը կապակցութիւն ունի Պենետիկտոս ԺԶ-ի կողմէ հռչակուած հաւատոյ
տարուան հետ որուն բացումը պիտի կատարուի յառաջիկայ 11 հոկտեմբեր 2012-ին։ Ընկերային
հաղորդամիջոցներու խորհուրդի գնահատումով հարկ է հարցադրել <<արուեստագիտական աշխարհի
միտումներու մասին օգնելու համար այրերն ու կիները հանդիպելու Քրիստոսի հաւատքի մէջ։>>
Ընկերային Հաղորդամջոցներու Համաշխարհային Օրը միակ համաշխարհային օրն է հաստատուած
Վատիկանեան Տիեզերական Բ Ժողովի Կողմէ, 1963-ին։