Վատիկանեան Տեղեկութիւններ

- Ալպանիոյ Սաբիէ Թեմը կը տօնախմբէ իր հիմնարկութեան 950րդ Յոբելեանը։ Այս առթիւ Պենետիկտոս ԺԶ Սրբազան Քահանայապետը` Սրբուհի Մարիա Մաճճորէի Արքեպիսկոպոս` կարդինալ Սանթոս Ապրիլ Ի Գասթելլոն անուանած է որպէս իր յատուկ նուիրակը գլախաւորելու յոբելինական արարողութիւնները։

- Մշակոյթի Քահանայապետական Խորհուրդի նախագահ Կարդինալ Ճանֆրանքօ Ռավազին` Լեհաստանի Լուպլինի ՅՊԲ Կաթողիկէ Համալսարանէն ստացած է պատուոյ տոքթորայի տիտղոս։ Տուչութեան արարողութիւնը տեղի ունեցաւ անցեալ 27 սեպտեմբերի յետ միջօրէին Քրիստոնէական Մշակոյթի 4րդ վեհաժողովի ծիրէն ներս որ ուներ որպէս բնաբան <<Մարդը փնտռել մարդուն մէջ - յոյսի մէջ Քրիստոնէական արմատներ>>

- Պենետիկտոս ԺԶ Սրբազան Քահանայապետը Կարտինալ Գարլոս Ամիկօ Վէլլիոն անուանած է, որպէս իր յատուկ նուիրակը, գլխաւորելու՝ Բորթօ Րիքոյի առաջին եպիսկոպոսի ժամանումի 5րդ դարադաձը, որ պիտի նշուի յառաջիկայ 19 նոյեմբերին (2012)։