Այսօր Երանելի Կը Հռչակուի Հայր Կապրիէլէ Մարիա Ալլէկրա՝ ֆրանչիսկեան Քահանան ։ (1907-1976)

Այսօր Սիկիլիոյ Աչիրէալէ քաղաքի Աթոռանիաստ Եկեղեցւոյ մէջ Երանելի հռչակուեցաւ Հայր Կապրիէլէ Մարիա Ալլէկրա ֆրանչիսկեան քահանան՝ առաջինը որ թարգամանած է Աստուածաշունչը Կաթողիկէ Չինացի հասարակութեան համար։
Վախճանած 1976ին Հոնկ-Գոնկ ,Հայր Ալլէկրա Սուրբ Գրքի մասնագէտ, հանրայայտ է անոր համար որ Սուրբ Գիրքը Չինարէնի թարգմանող առաջին քահանան է։

Ան ծնած Սիկիլիոյ Սան Ճովաննի Լա Բունթա աւանը 1907ին , թարգմանութեան գործին կը սկսի 30 ական թուականներուն երբ Չինաստան կը գտնուէր որպէս միսիոնար,եւ երբ կաթողիկէ չինացիները ,ի տարբերութիւն այլ դաւանանքներու հաւատացեալներէն , տէր չէին Սուրբ Գրքի ամբողջական թարգմանութեան ։ Հայր Ալլէկրա թարգմանութեան իր այս աշխատութիւնը կը կոչէր ՝ ՝իմ կեանքի աշխատանքը ՝՝ ,բացատրելով միաժամանկ ՝՝ տալու համար Քրիստոսը Չինաստանին ու Չինաստանը՝Քրիստոսին՝՝ ։