Турцыя: хрысціяне, мусульмане і яўрэі разважаюць аб лёсе чужынцаў
28-29 верасня у сталіцы
Турцыі праходзіў сімпозіўм на тэму “Быць чужынцам і ўступаць у дыялог з іншым”. Некалькі
мінут поўнай цішыні на пачатку сумесных прац аб’ядналі мусульман, хрысціян і яўрэяў
у малітве да Адзінага Бога, у Якога ўсе яны вераць, маючы розны спосаб звяртацца да
Яго. Удзельнікі форума, сярод якіх лідэры мясцовых рэлігійных супольнасцяў і студэнты
тэалагічных факультэтаў, падкрэслівалі, што часта гаворыцца пра дыялог, але гэтыя
словы не так часта становяцца рэальнасцю. Удзельнікі мерапрыемства асудзілі праявы
насілля і падкрэслілі неабходнасць захавання рэлігійнай свабоды для больш мірнага
суіснавання паміж народамі. Кс. Фрэдэрык Манс, прафесар біблійнага Інстытута Іерусаліма,
адзначыў, што першым “чужынцам” быў Ізраэль: спачатку ў Егіпце і потым у Вавілоне.
Пасля такога вопыту выбраны народ моцна адкрыўся на гасціннасць, пра што сведчаць
кнігі Стагога Запавету: Руты і Ёны. Прафесар звярнуў увагу прысутных на тое, што рэвалюцыйным
стала аб’яўленне Езуса Хрыста, у тым ліку і ў адносінах да чужынцаў і чужынства. “Тое,
што вы зрабілі меншаму з усіх, Мне зрабілі”, - нагадаў евангельскія словы навуковец.