Ватыканскае радыё
адзначае свята свайго нябеснага апекуна – арханёла Габрыэля – Божага пасланніка, які
прынёс Найсвяцейшай Панне Марыі радасную вестку – “Вітай Марыя поўная ласкі, Пан з
Табой. Не бойся, бо знайшла ты ласку ў Пана. Вось зачнеш ва ўлонні сваім і народзіш
Сына, і дасі Яму імя Езус”. Менавіта быць пасланнікамі Добрай навіны заклікаў супрацоўнікаў
радыёстанцыі арцыбіскуп Анджэла Бэчу, субстытут па агульных справах Дзяржсакратарыяту
Яго Святасці Папы. Іерарх узначаліў св. Імшу, якая прайшла у капліцы Ватыканскага
радыё ў прысутнасці яго супрацоўнікаў. Арцыбіскуп Бэчу заклікаў лепш служыць “распаўсюджванню
голаса Папы” і “добрай навіны Езуса Хрыста”. Ён падкрэсліў, што “зло людзей і фактаў
нельга замоўчваць”, але неабходна быць здольнымі бачыць, што “побач са злом (...)
існуе шмат дабра, якое дзейнічае моўчкі і дарыць надзею і святло”. Паводле яго, інфармацыя,
якая распаўсюджваецца патрабуе глыбокага разважання, што ахоплівае ўсю рэчаіснасць”.
Гаворка не ідзе пра тое, каб “навязываць сваё меркаванне ці інтэрпрытацыю, але глядзець
на навіны з хрысціянскай перспектывы”.
Ад супрацоўнікаў і тых, хто служыць
Апостальскай Сталіцы, паводле арцыбіскупа Бэчу, патрабуецца “здольнасць устанаўліваць
іерархію каштоўнасцяў, спрабуючы падкрэсліваць пазітыўнае, фактары росту, навіны,
якія запальваюць давер”.
Ён адзначыў, што з моманту выдання першага дакумента
аб СМІ падчас ІІ Ваытканскага Сабора, “місія да якой мы пакліканы не змянілася: перадаваць
сучаснікам пасланне любові, збаўлення і надзеі, якое Хрыстус прынёс свету, казаць
аб тым, што Бог любіць гэты свет, такім які ён ёсць”.