1,5 miliard dollarë nga OKB-ja për arsimin në botë
Një miliard e gjysëm dollarë për një nismë, që quhet “Education first” (Edukimi më
parë), për ta kthyer arsimin në përparësi globale. Ky është financimi i OKB-së, e
cila dëshiron të arrijë objektivat e Mijëvjeçarit, në vitin 2015, siç u parashikua
në fillim të viteve 2000. “Duam që fëmijët të frekuentojnë shkollën fillore e
të vazhdojnë më tej në atë lloj arsimimi e edukimi, që mund t’i ndihmojë të kenë sukses
në jetë”: kështu u shpreh Sekretari i përgjithshëm i OKB-së, Ban Ki-mun, gjatë paraqitjes
së iniciativës. Sipas një raporti të UNESCO-s, në fund të viteve ’90, rreth 108
milion fëmijë nuk frekuentonin shkollën. Sot, numri është përgjysmuar në 61 milion.
Rezultat i rëndësishëm, falë bashkëpunimit ndërkombëtar në fushën e arsimit.