Бэнэдыкт ХVI прызначыў дапаможнага біскупа Каўнаскай архідыяцэзіі

27 верасня Бэнэдыкт ХVI прызначыў новага дапаможнага біскупа Каўнаскай архідыяцэзіі. Ім стаў кс. Кейстутіс Кэвалас, які да гэтага часу быў дырэктарам “Радыё Марыя” у Літве. Новапрызначаны біскуп нарадзіўся 17 лютага 1972 г. Пасля заканчэння вучобы ў Каўнаскім універсітэце, паступіў у духоўную семінарыю ў гэтым горадзе. Працягваў вучобу у духоўнай семінарыі “Беззаганная Панны Марыі” ў Балтымары, у ЗША. Святарскае пасвячэнне атрымаў у 1997 г. З 2002 г. выкладаў маральную тэалогію ў Каўнаскім універсітэце імя Вітаўта Вялікага, дзе атрымаў навуковую ступень доктара тэалогіі. Пасля каротка перыяду прыбывання ў ЗША, вярнуўся ў Літву і працягваў сваё пастырскае служэнне ў каўнаскім катэдральным касцёле і мясцовай семінарыі.