Konferencë shtypi në Vatikan lidhur me procedurat juridike, në prag të procesit për
dokumentat e marra nga tryeza e Papës
Gjykatësit e Shtetit të Vatikanit janë krejtësisht të pavarur: kështu deklaroi promotori
i drejtësisë, avokati Xhovani Xhakobe, në Sallën e Shtypit të Selisë së Shenjtë, ku
sot, u bë një takim me gazetarët për procedurat juridike, që ndiqen në Vatikan. Të
shtunën, më 29 shtator, do të fillojë faza përfundimtare e gjyqit kundër ish-kujdestarit
të dhomës së Benediktit XVI, Paolo Gabriele dhe kundër teknikut informaticien, Klaudio
Sharpeleti. I pari akuzohet për vjedhjen e dokumenteve të rezervuara dhe nxjerrjen
e tyre jashtë Vatikanit, ndërsa i dyti, për favorizim. Sipas gjykatësit, Paolo
Gabriele mund të dënohet nga pak muaj deri në 4 vjet burgim, por Papa mund ta falë.
Teorikisht, Benedikti XVI, i cili deri tani nuk ka ndërhyrë në punën e hetuesve e
të juristëve, mund ta bëjë këtë në çdo çast. Falja e Atit të Shenjtë funksionon juridikisht
njësoj si ajo e krerëve të tjerë të shtetit, në të gjithë botën: anullon çdo dënim.