Кардынал Бэртонэ расказаў аб ролі ватыканскай дыпламатыі
25 верасня кардынал
Дзяржсакратар Тарчызіо Бэртонэ з рук іспанскага караля Хуана Карласа атрымаў прэмію
“Conde de Barcelona”. Яна прысуджаецца кожны год асобам або ўстановам за асаблівую
патрымку развіцця сферы камунікацыі. Падчас цырымоніі іерарх звярнуўся да прысутных
з кароткай прамовай, у якой адзначыў, што прэмія з’яўляецца прызнаннем, таго служэння,
якое выконвае Апостальская Сталіца для народаў свету. Кардынал Бэртонэ асабліва падкрэсліў
ролю ватыканскай дыпламатыі ў вырашэнні сучасных глабальных праблем і спрыянні міру
паміж народамі.
“Дыпламатыя Святога Пасада нястомна шукае справядлівыя і чалавечыя
шляхі, бяручы пад увагу як правы так і адказнасць асоб і дзяржаў і ўсведамляючы, што
дабро кожнай асобы паходзіць з клопату аб супольным дабры”, - нагадаў кардынал Бэртонэ.
Ён запэўніў, што Святы Пасад імкнецца да таго, каб ва усім свеце “паважалася годнасць
кожнага чалавека і ўмацоўваўся дыялог, салідарнасць, свабода, справялівасць і братэрства”.
Іерарх нагадаў аб ўкладзе Апостальскай Сталіцы ў барацьбу з беднасцю, гандлем наркотыкамі,
тэрарызмам і з рознымі формамі насілля. Кардынал Бэртонэ аспрэчыў распаўсюджанае меркаванне
аб тым, што Касцёл хоча навязаць грамадзянам плюралістычных грамадстваў свой светапогляд.
“Мы адкрытыя на дыялог, але наша служэнне грамадству і праўдзе патрабуе ад нас, каб
мы дакладна патлумачылі прычыны нашых пераканнняў”, - сказаў кардынал Бэртонэ.