Бэнэдыкт XVI да хрысціян у палітыцы: клапаціцца аб чалавечым жыцці і сям’і
22 верасня ў Кастэль
Гандольфа Бэнэдыкт XVI сустрэўся з удзельнікамі форума “Хрысціянска-дэмакратычнага
Інтэрнацыянала” – міжнароднай арганізацыі, якая аб’ядноўвае палітычныя партыі хрысціянска-дэмакратычнай
накіраванасці. У сваёй прамове Святы Айцец заклікаў палітыкаў, асабліва калі яны натхняюцца
ў сваёй дзейнасці верай, асабліва ўключыцца ў справу абароны чалавечага жыцця і сям’і.
Ён заклікаў шукаць “моцны этычны фундамент” для “грамадскай і палітычнай дзейнасці”.
Папа звярнуў увагу на тое, што перад абліччам паглыблення эканамічнага крызіса, хрысціяне
пакліканы дзейнічаць з “прароцкім духам”, здольнасцю бачыць у пастаянных пераменах
“таямнічую прысутнасць Бога ў гісторыі”. “Крызіс абавязвае нас нанова паразважаць
над нашым шляхам, прыняць новыя правілы i знайсці новыя формы ўдзелу, выкарыстоўваць
станоўчы вопыт i адкідваць негатыўны. Такім чынам, крызіс дае магчымасць распазнаваць
i рабіць новыя праекты”, - нагадаў словы са сваёй энцыклікі “Caritas in veritate”
Святы Айцец.
Бэнэдыкт XVI адзначыў, што хрысціяне, у палітычным жыцці пакліканы
адказваць на патрэбы не кіруючыся логікай рынка, але пошукам супольнага дабра і спрыяннем
клопату аб годнасці чалавека. “Сёння, як ніколі актуальна гучыць саборавае навучанне
паводле якога “парадак рэчаў павінен падпарадкоўвацца парадку асоб, а не наадварот”,
- сказаў Папа і дадаў, што сёння “нажаль, многа гучных прапаноў паспешных, павярхоўных
і кароткіх адказаў на самыя фундаментальныя і глыбокія патрэбы чалавека”. Паводле
Святога Айца, яны тычацца такіх сфер, як чалавечае жыццё і пошук шчасця, якія глыбока
звязаны паміж сабой.
Бэнэдыкт XVI звярнуў увагу на важнасць клопату аб сям’і
– месцы, дзе асоба сустракаецца з дзяленнем, павагай і бескарыснай любоўю і салідарнасцю.
Ён падкрэсліў, што сям’я – галоўнай месца выхавання чалавека, у якім “бацькі служаць
сваім дзецям? каб дапамагчы выцягнуць (“e-ducere”) найлепшае з іх”. “Сапраўдны прагрэс
чалавечага грамадства не можа абстрагавацца ад палітыкі клопату і спрыяння сужэнству
і супольнасці, якая ад яго паходзіць”, - сказаў Папа.