Асвенцым: моладзь Усходняй Еўропы кажа “не” расізму і антысемітызму
Моладзь Усходняй Еўропы
кажа “не” антысемітызму і любым формам расізма, якія запаланяюць розум і адкрываюць
шлях варварству. Спецыяльнае пасланне з заклікам аб міру, было падрыхтавана і зачытана
на 8 мовах юнакамі і дзяўчатамі, якія прымалі ўдзел у трохдзённай сустрэчы “Маладыя
еўрапейцы за свет без насілля”, арганізаванай экуменічнай “Супольнасцю св. Ігідзія”
у канцэнтрацыйным лагеры “Аўшвіц-Біркенаў”. Заклік да міру ў Еўропе і свеце прагучаў
напрыканцы цырымоніі, якую маладыя людзі правялі на тэрыторыі “Кальварыі” ХХ ст. Прадстаўнікі
краін Усходняй Еўропы моўчкі паразважалі над трагедыяй, якая здарылася ў гэтым месцы
ў часы ІІ Сусветнай вайны, усклалі памятныя вянкі да помнікаў ахвярам гітлераўскага
генацыду і прайшлі працэсіяй па чыгунцы, па якой прывозілі вязняў “Аўшвіца”.
“Хочам
разам будаваць свет без насілля, з разумнасцю культуры і сілай любові. З “Аўшвіца”
паўстае новы далягляд гуманізма для нашых краін! З гэтага месца пачынаецца рух
сэрцаў, які хоча ахапіць іншых, такіх як мы, маладых людзей, каб маглі ўдасканальвацца
і рабіць больш гуманнымі нашы краіны ў мірнай Еўропе!”, - гаворыцца ў звароце моладзі.