Германія: новыя правілы адносна выступлення з Касцёла
20 верасня Канферэнцыя
Біскупаў Германіі апублікавала ўказ, зацьверджаны Апостальскай Сталіцй адносна новых
законных правілаў, якія рэгулююць у краіне адыход вернікаў ад Каталіцкага Касцёла.
Ён стане абавязвовым з 24 верасня 2012 г. Паводле дакумента асоба, якая зрабіла заяву
перад дзяржаўнымі ўладамі аб выступленні з Касцёла, пазбаўляецца права быць яго членам.
Тым самым яна пазбаўляецца права прымаць сакраманты споведзі і Эўхарыстыі, не можа
быць хростным бацькам ці маці і працаваць у касцельных установах. Аднак адыход ад
Касцёла не дае падстаў для непасрэднай экскамунікі.
Нямецкія іерархі адзначылі,
што да гэтага часу было дастаткова заявы да дзяржаўных органаў аб намеры выступлення
з Каталіцкага Касцёла, каб мець касцельную экскамуніку. “Паводле новага закона,
узгодненага з Апостальскай Сталіцай, Касцёл у Германіі дае кожнай асобе магчымасць
вярнуцца да яго”,- падкрэсліваецца ў дакуменце. Яго аўтары адзначаюць, што цяпер пробашч
павінен паразмаўляць з кожнай асобай, якая вырашыла пакінуць Касцёл. Пасля такой размовы
існуюць тры магчымасці ў вырашэнні гэтага пытання. Па-першае, калі асоба не жадае
змяніць свайго рашэння, яна непасрэдна губляе права быць членам Касцёла. Па-другое,
калі католік пасля размовы выражае жаданне вярнуцца да яго, ён становіцца зноў паўнапраўным
членам Касцёла. У выпадку, калі, аднак дадзена асоба афіцыяльна будзе прызнаваць,
што не верыць у Бога і не прызнавае навучання Касцёла, тады мясцовы біскуп можа пачаць
фармальны працэс, які вядзе да экскамунікі. ”“Новы закон прадугледжвае, што яна можа
быць адменена, калі асоба, выкажа свой жаль па гэтай прычыне і аб’явіць аб сваім вяртанні
да веры Каталіцкага Касцёла”, - падкрэсліваецца ў дакуменце нямемціх біскупаў.