Бэнэдыкт ХVI заканчвае працу над кнігай аб дзяцінстве Езуса
21 верасня Зала Друку
Апостальскай Сталіцы паінфармавала, што Ватыканскае кніжнае выдавецтва падпісала пагадненне
з італьянскім выдавецтвам”Rizzoli” аб выданні кнігі Бэнэдыкта ХVI аб дзяцінстве Езуса,
аб якім узгадваюць Евангеллі. У паведамленні адзначаецца, што Ватыканская "Libreria
Editrice Vaticana" дала ўсе паўнамоцтвы выдавецтву “Rizzoli” па продажы гэтай кнігі
ў свеце. У Італіі кніга Папы выйдзе перад Калядамі- Зала Друку адзаначае таксама,
што разам з італьянскім выданнем ужо прадбачана яе публдікацыя таксама ў нямецкай
мове. Гэта даручана выдавецтву “Herder”, якое публікуе ўсе кнігі Ёзэфа Ратцынгера
ў арыгінале па-нямецку. “Таксама вядуцца актыўныя намагнні, каб выдаць яе ў мовах
найбольш распаўсюджаных у свеце”, -падкрэсліваецца ў паведамленні. Канчатковы тытул
кнігі яшчэ невядомы.
Зала Друку адзначае, што Ёзэф Ратцынгер- папа Бэнэдыкт
ХVI свае навуковыя даследаванні і кнігі прысвяціў “постаці і пасланню Езуса”. “Гэта
новая, доўгачаканая кніга пра дзяцінства Езуса ў евангельскіх аповесцях, якая з’яўляецца
завяршэннем двух папярэдніх, мае вялікае значэнне з тэалагічнага і навуковага пункту
гледжання”, - паведамляе Зала Друку Апостальскай Сталіцы.