Kosova ka 1.739.825 banorë, sipas regjistrimit të fundit
Sipas rezultateve përfundimtare të regjistrimit të popullsisë, numri i banorëve që
jetojnë në territorin e Kosovës është 1.739.825. Këtu duhet përjashtuar veriun e qytetit
të Mitrovicës dhe tre komunat veriore Leposaviç, Zubin Potok e Zveçan, në pjesën veriore
të Kosovës, të cilat kanë refuzuar të marrin pjesë në regjistrim. Regjistrimi i munguar
30 vite u realizua në pjesën më të madhe të Kosovës, por jo edhe në veriun e dominuar
nga serbët e strukturat e tyre paralele që e refuzuan regjistrimin, ku ky proces u
tha se do kryhej më vonë.
Rezultatet përfundimtare u bënë të ditura sot, ndërkohë
që në Prishtinë u mbajt konferenca ndërkombëtare “Regjistrimi i Popullsisë dhe Banesave
në Kosovë”, organizuar nga Agjencia për Statistika e Kosovës dhe Zyra e Bashkimit
Evropian në Kosovë.
Regjistrimi nuk është kryer në Kosova që para plot gjysmë
shekulli, në verën e vitit 1962, e sipas të dhënave të publikuara në shtypin e asaj
kohe, numri i banorëve arrinte në një milion qytetarë. Sipas statistikave kosovare,
në regjistrimin e popullsisë së vitit 1981, ku u përfshinë të gjitha etnitë, Kosova
kishte një popullsi prej 1.584.440 banorësh.