Publikohet programi i vizitës baritore të Benediktit XVI në Loreto
Salla e Shtypit e Vatikanit njoftoi programin e vizitës baritore të Papës Benedikti
XVI në Loreto të Italisë, ku do të shkojë më 4 tetor, në 50-vjetorin e shtegtimit
të Papës Gjoni XXIII në qytetin, ku ndodhet e nderohet shtëpia e Virgjërës Mari. Ati
i Shenjtë do të arrijë në orën 10.00, me helikopter, në Qendrën Gjon Pali II të Montorsos.
Etapa e parë do të jetë vizita në Shtëpinë e Shenjtë, e cila ndodhet brenda shenjtërores
lauretane, ku Benedikti XVI do të adhurojë të Shenjtnueshmin Sakrament e do t’i lutet
Nënës së Zotit. Në orën 10.30, Papa do të kremtojë meshën në sheshin e Zojës së Loretos.
Në orën 13.45, dreka në Qendrën Gjon Pali II, në Montroso. Benedikti XVI do të largohet
nga Loreto në orën 17.00.