Біскуп Алепы: Папа не паўтарае гатовыя фразы, але кажа ад сэрца
Візіт Папы з Ліван
прынёс суцяшэнне і падтрымку таксама для хрысціянскай супольнасці ў сірыйскім Алепа
– горадзе, які на працягу апошніх некалькіх месяцаў стаў цэнтрам баявых дзеянняў паміж
урадавамі войскамі і паўстанцамі. У інтэрв’ю агенцтвы “Fides”, халдэйскі біскуп Алепы
Антуан Одо, і старшыня сірыйскага “Caritas”, разказаў, што з прычыны вайны, ён, а
таксама іншыя каталіцкія біскупы краіны, не змаглі прыбыць у Ліван на сустрэчу з
Бэнэдыктам ХVІ, бо вырашылі застацца разам са сваімі вернікамі, каб падтрымліваць
іх у цяжкі перыяд. Але ён адзначыў, што сірыйскія іерархі сікравалі да Бэнэдыкта XVI
спецыяльнае пасланне. “Слухаючы яго словы і гледзячы на яго жэсты мне здавалася,
што Бэнэдыкт ХVІ прачытаў наш ліст. Словамі і жэстамі ён даваў зразумець, што і мы
маем такі самы погляд на пакуты нашага народа як і ён сам”, - сказаў біскуп Одо. Біскуп
падкрэсліў, што Пантыфік прамаўляў словамі, што выходзілі з самага сэрца і таму краналі
самай сутнасці рэчаў. “Ён не кажа як СМІ, не карыстаецца гатовымі фразамі, якія ўсе
паўтараюць. Але прамаўляе асабістае слова веры і свабоды”, - падкрэсліў біскуп Алепы.