Кардынал Равазі: маўчанне аб рэлігіі ў Швецыі было пераадолена
Кардынал Джанфранка
Равазі, старшыня Папскай рады па культуры падвёў вынікі “Падворку язычнікаў” – мерапрыесмтва,
якое прайшло 14-16 верасня ў Стакгольме. Падчас яго, адбылася серыя сустрэч і дыскусій
паміж веруючымі і няверуючымі людзьмі, якія, аднак шукаюць сэнсу жыцця і праўды. Паводле
кардынала Равазі ўдзельнікі форума здолелі разбурыць абыякаваць і маўчанне у адносінах
да рэлігіі ў Швецыі. Асаблівую ўвагу іерарх звярнуў на тое, што такой антырэлігійнай
установе, як Шведская каралеўская Акадэмія навук, у якой штогод ўручаецца Нобелеўская
прэмія, ўпершыню за апошнія стагоддзі гучалі рэлігійныя дыскусіі на тэму “Свет з Богам
ці без Яго”. Кардынал Равазі падкрэсліў, што ў Швецыі рэлігія адносіцца да выключна
асабістай сферы.Дыскусіі аб ёй не адпавядаюць паліткарэктнасці і культуры.
“Элемент
поспеху, які найбольш іх збянтэжыў і сапраўды стаўся сюрпрызам, было тое, што рэлігійныя
дыскусіі адбыліся ў публічным асяроддзі, прычым, між самымі рознымі паміж сабою,
моцна секулярызаванымі, больш таго, нават абсалютна свецкімі асяроддзямі, такімі
як Акадэмія навук. Як мне сказаў адзін з кваліфікаваных удзельнікаў, ён ніколі не
мог сабе ўявіць, што парушыць маўчанне на рэлігійную тэму ў Швецыі здолее менавіта
каталіцкі кардынал”, - сказаў іерарх
Кардынал Равазі расказаў, што у дыскусіях
удзельнічалі выдатныя дзеячы шведскай культуры, якія публічна казалі аб сваёй веры
ці адыходзе ад яе. Ён прывёў як прыклад сваю доўгую размову з міністрам культуры Швецыі
Ленай Адэльсон Лільерот, якая, будучы няверуючай, цікавілася думкамі карыднала аб
адносінах да стваловых клетак, сучаснай антрапалогіі, і іншых праблемах, погляды на
якія ў іх вельмі адрозніваюцца. Поспехам ініцыятывы кардынал Равазі назваў тое, што
генсакратар Шведскай Акадэміі навук Жорж Клейн пажадаў працягваць пастаянны кантакт
з ватыканскім фондам “Вера і навука”.