Pakistan : vriten krishterë të tjerë. Besimtarët ndërtojnë murin për t’u mbrojtur
prej sulmeve
Në Pakistan u vranë edhe dy të krishterë të tjerë, në periferinë e Karàçit, prej grupeve
myslimane ekstremiste të etnisë pashtun që terrorizojnë popullsinë lokale. Deri tani
janë katër viktimat e këtyre sulmeve, tri viktima vetëm gjatë dy javëve, në lagjen
e krishterë Essa Nagri, ku jetojnë afër 50 mijë të krishterë në kushte të varfërisë
së skajshme e pa shërbimet themelore të domosdoshme, të cilët tashmë janë marrë në
shënjestër të grupeve ekstremiste që veprojnë lirisht pa të shqetësuar prej askujt.
Banorët e zonës, të detyruar të jetojnë në një geto, “për t’u mbrojtur, kanë vendos
të ndërtojnë një mur e të mbyllin hyrjen në lagje, atë përballë lagjes myslimane ku
jetojnë grupet pashtun, prej të cilave vijnë sulmet”, tregon atë Victor John, famullitar
katolikë i lagjes. “Tani lagjja është shndërruar në një geto të vërtetë, me një derë
të vetme të hyrjes – vijon atë Victor, siç njofton agjencia Fides, i cili pastaj i
fton besimtarët e krishterë të “mos hakmerren, të jenë gjithmonë të qetë, pajtues,
edhe në protesta të ligjshme. I kërkojmë policisë – përfundon prifti famullitar –
mbrojtjen e popullsisë së varfër të Essa Nagrit, e cila prej muajsh është viktimë
e keqpërdorimeve”.