Патрыярх Раі: хрысціяне і мусульмане жадаюць жыць разам
Сённяшняя “L’Osservatore
Romano” змяшчае пасланне мараніцкага Патрыярха Антыёхіі Бутраса Раі, які на працягу
доўгіх гадоў быў кіраўніком арабскай рэдакцыі нашага радыё, да вернікаў Лівана у сувязі
з візітам Папы. Іерарх падкрэсліў, што падарожжа Святога Айца паспрыяе ўмацаванню
веры, надзеі і любові сярод вернікаў. “Народы Блізкага Усходу будуць перажываць на
працягу гэтых дзён гістарычны момант, які трэба спадзявацца прынясе супакой, справядлівасць
і адзінства”, - падкрэсліў Патрыярх.
“Тут ў Ліване, зямлі кедраў, хрысціяне
і мусульмане працягваюць сумесна працаваць сумесна не толькі праз дыялог паміж сабой,
але таксама і перш за ўсё праз жаданне “жыць разам” ў салідарнасці і ўзаемнай павазе,
каб сумесна будаваць “горад людзей”, - адзначыў іерарх. Ён нагадаў словы бл. Яна Паўла
ІІ, аб тым, што “Ліван – гэта больш, чым краіна: гэта пасланне свабоды і прыклад плюралізма,
як для Усходу так і Захаду”.
Патрыярх выказаў пажаданне, каб гэтае пасланне
і візіт Бэнэдыкта ХVI сталі заклікам да ўсіх народаў Блізкага Усходу як “святы алей”,
які пальецца з Лівана. “Мы будзем падтрымліваць гэтае пасланне ў духу супрацоўніцтва
і разумення, каб нарэшце народы Усходу вызваліліся ад ярма, якое перашкаджае іх развіццю
і каб яны знайшлі святло супакою і ўсталявалі справядлівасць у сваіх краінах”, -
адзначыў Патрыярх Раі.