Bashkësitë islamike janë gjashtë: sunite, shiite, druze, alauite, ismailite dhe një
bashkësi e vogël shiite, që i referohet Aga Khanit. Tri bashkësitë e para kanë dërguar
një përfaqësues në Sinodin e ipeshkvijve për Libanin në Vatikan, nga 26 nëntori deri
më 14 dhjetor 1995.
Shiitët Shiizmi lindi nga ndjekësit e
Aliut, dhëndërrit të Profetit Muhamet, i cili pretendonte ta zëvendësonte te vjehërrin
pas vdekjes. Vrasja e Al Hysenit, birit të Aliut, në vitin 680, shkaktoi ndarjen përfundimtare
ndërmjet shiitëve dhe sunitëve. Ky martirizim kujtohet çdo vit me festën e Hashureve.
Nga shiizmi kanë lindur më vonë degë të ndryshme, më e rëndësishmja prej të cilave
është “Dymbëdhjetëshja”, sipas së cilës, pasardhës të Muhametit janë 12 meshkuj të
familjes. I dymbëdhjeti, i zhdukur në mënyrë të mistershme, do të kthehet në tokë
për të vendosur të vërtetën e drejtësinë. Shiitët përfaqësojnë 10% të myslimanëve
të botës. Autoriteti më i lartë i tyre në Liban është “Këshilli i Lartë Islamik Shiit”,
që kryesohet nga një dijetar i ligjit. Presidenti aktual është shehu Abdulamir Qabalan.
Sunitët Myslimanët
sunitë ndjekin mësimet e “Sunna”-s (tradita), e cila përbëhet nga të gjitha mësimet
e përçuara gojarisht prej Muhametit dhe shokëve të tij të parë. Ky mësim integron
mesazhin e Kuranit, që i është zbuluar nga Allahu drejtpërdrejt Vulës së Profetëve.
90% e myslimanëve të botës janë sunitë. Drejtuesi shpirtëror i bashkësisë së Libanit
është Myftiu i Republikës, i zgjedhur në këtë detyrë përjetë. Ai ndihmohet nga Këshilli
i Lartë i Ligjit. Selia dhe shërbimet nën autoritetin e Myftiut përbëjnë “Dar Al Fatva”.
Myftiu aktual është shehu Muhammad Al-Qabbani.
Druzët Është
degë e Islamit shiit ismailit, lindur në Kajro, në fillim të shekullit X. Termi “druzë”,
megjithëse i përhapur, nuk është i drejtë. Anëtarët e kësaj bashkësie, shumë xhelozë
për fenë e tyre, e quajnë veten “Muvahidun”, që do të thotë “monoteistë”. Mendojnë
se feja ndahet në tri disiplina, ose etapa: njohja e themeleve të Islamit, interpretimi
i zbulesës, që mund të bëhet vetëm nga hoxhallarët dhe, së fundi, dija e vërtetë,
që çon drejt bashkimit të gjithçkaje me Një-Të drejtin. Kreu shpirtëror i bashkësisë
duhet të zgjidhet të dielën, më 16 shtator, me rastin e zgjedhjes së Këshillit të
ri të bashkësisë.
Alauitët Besim islamik i traditës shiite,
me veçori të vetat. Alauitët janë të paktë në numër e gjenden në zonën e brendshme
të Libanit, ndërsa shumica e tyre banon në Siri.