14 верасня пачалося
Апостальскае падарожжа Бэнэдыкта XVI у Ліван. Каля 13.00 самалёт са Святым Айцом на
борце прызямліўся ў міжнародным аэрапорце “Rafiq Hariri” у Бейруце. Тут Пантыфіка
чакалі Мараніцкі Антыяхійскі Патрыярх Бутрас Рай, прэзідэнт гэтай краіны Мішэль Сулейман
са сваёй жонкай, прадстаўнікі ліванскіх свецкіх і рэлігійных уладаў, а таксама група
вернікаў. Пасля прывітання з боку кіраўніка дзяржавы да сабраных звярнуўся Бэнэдыкт
XVI. Папа нагадаў аб існаванні “выдатных адносін” паміж Святым Пасадам і Ліванам і
аб папярэдніх сустрэчах з ліванскім лідэрам, якія праходзілі ў 2008 і 2011 г. Ён адзначыў,
што ў мінулым годзе, у базыліцы св. Пятра ў Рыме, была благаслаўлена скульптура св.
Марона, заснавальніка Мараніцкай Царквы, якая сведчыць аб старажытнай духоўнай спадчыне
ліванцаў і іх пастаннай лучнасці з Намеснікам св. Пятра.
Бэнэдыкт XVI таксама
падкрэсліў, што адной з прычын яго візіта з’яўляецца падпісанне Апостальскай адгартацыі
“Касцёл на Блізкім Усходзе”. Ён адзначыў, што з радасцю вітае прадстаўнікоў Праваслаўных
Цэркваў і іншых рэлігій прысутных у Ліване. “Шчаслівае сумеснае жыццё ўсіх ліванцаў,
павінна паказаць усяму Блізкаму Усходу і свету, што ўнутры адной краіны, у духу братэрскага
адзінства з іншымі хрысціянамі, могуць існаваць і ўзаемадзейнічаць розныя Цэрквы,
якія з’яўляюцца часткай аднаго Каталіцкага Касцёла”, - сказаў Папа.
Святы Айцец
адзначыў, што прыбыў, каб расказаць аб тым, наколькі важнай з’яўляецца прысутнасць
Бога ў жыцці кожнага чалавека і наколькі глыбокім можа стаць сумеснае існаванне ў
краіне, калі будзе укаранёным на Богу, які жадае, каб усе людзі былі братамі. Ён назваў
ліванскі стыль суіснавання грамадзян розных веравызнанняў прыкладам для ўсяго свету.