Një qytet, pesë dioqeza dhe një Vikariat Apostolik
Bejruti i Maronitëve (seli ipeshkvnore nga viti 1577) është kryeeparki me 232
mijë besimtarë, të ndarë në 127 famulli. Në to e në 58 institutet edukative e të bamirësisë
shërbejnë 132 meshtarë dioqezanë, 30 meshtarë rregulltarë, 30 rregulltarë jo meshtarë
e 169 murgesha. 58 seminaristë po përgatiten për meshtari e pagëzimet arrijnë në 1881,
vetëm vitin e kaluar. Kryepeshkop është imzot Paul Joussef matar, që nga viti 1996. Bejruti
i greko-melkitëve (shekulli IV) dhe Jbeil e greko-melkitëve, sub-urbikare (që
nga 16 gushti 1881). Metropoli me 200 mijë besimtarë, të shpërndarë në 119 famulli,
22 kisha, ose stacione misionare. Në to e në 116 institutet edukative e të bamirësisë
shërbejnë 56 meshtarë dioqezanë, 60 meshtarë rregulltarë, 109 rregulltarë jo meshtarë
dhe 1 diakon i përhershëm. Vitin e kaluar janë pagëzuar 1.079 vetë e 18 seminaristë
po përgatiten për meshtari. Që nga 23 gushti 1975, kryeipeshkvi është imzot Cyril
Salim Bustros i Shoqërisë së Misionarëve të Shën Palit. Bejruti i armenëve
(1928, 1929). Metropoli dhe Eparki e Kishës patriarkale të Cilicës së Armenëve me
12 mijë besimtarë, të ndarë në 7 famulli e në kisha-stacione misionare. Në to e në
22 institutet edukative e të bamirësisë shërbejnë 2 meshtarë dioqezanë, 13 meshtarë
rregulltarë, 26 rregulltarë, 22 murgesha dhe 1 diakon i përhershëm. Vitin e kaluar
janë pagëzuar 155 vetë në këtë rit e po përgatiten për meshtarë, 2 seminaristë. Që
nga 5 gushti 1982, kreu i Kishës është Fortlumturia e Tij Nerses Bedros XIX Tarmouni,
Patrik i Cilicisë së Armenëve. Bejruti i kaldejve (3 korrik 1957). 19 mijë
besimtarë të shpërndarë në 3 famulli, që shërbehen nga 2 meshtarë dioqezanë, 1 meshtar
rregulltar, 1 rregulltar, një murgeshë dhe një diakon i përhershëm. Kjo dioqezë ka
katër institute edukative e të bamirësisë dhe 57 pagëzime për vitin e kaluar. Nga
10 marsi i vitit 2001, ipeshkëv është imzot Michel Kassarji. Bejruti i asirëve
(1817). Është eparki e Kishës patriarkale të Antiokisë së Asirëve, me 14.500 besimtarë,
të ndarë në 5 famulli e 5 kish-stacione misionare. Këtu shërbejnë 17 meshtarë dioqezanë,
5 meshtarë rregulltarë, 21 rregulltarë, 20 murgesha, 2 seminaristë, 2 diakoj të përhershëm.
Me 74 pagëzime në vit, kjo Kisha ka 9 institute edukative e bamirësie. Kreu i kësaj
Kishe është Fortlumturia e Tij Youssif III Younan. Bejruti i latinëve (4
qershor 1953). Vikariat Apostolik me 10 mijë besimtarë, të shpërndarë në 8 famulli.
Është Kisha më aktive, me 379 institute edukative e bamirëse, ku shërbejnë 1 meshtar
dioqezan, 142 meshtarë rregulltarë, 198 rregulltarë, 1.095 murgesha e 2 diakoj të
përhershëm. Gjatë viti të kaluar janë pagëzuar 115 vetë. Vikar Apostolik, që nga 30
korriku 1999, është imzot Paul Dahdah.