Բռնութիւն Սուրիոյ Մէջ։ Միայն երէկ 108 Մեռեալներ։ Այսօր Դամասկոս կը Ժամանէ Սուրիոյ
Հարցով ՄԱԿ-ի Նորանշանակ Բանագնացը ։
Բռնութիւնը ու Ընդհարումը չի դադրիր Սուրոյ մէջ,ուր ապստամբները նոր յարձակումներ կատարեցին
Երկրի տարբեր վայրերուն մէջ, Սուրիոյ բանակին դէմ։ Մինչ այդ Սուրիոյ հարցերով ՄԱԿ-ի
եւ ԱԵԼ-ի (արաբական երկիրներու լիկա)յատուկ բանագնացը Լախդար Իպրահիմի այսօր սեպտեմբեր
13,կը մեկնի Դամասկոս` հանդիպելու նախագահ Պաշար ալ Ասսատին: Ասիկա Իպրահիմիի ( նորանշանակ
բանագնացի) առաջին այցելութիւնն է Դամասկոս: Այսօր երեկոյան ան հանդիպում կ՝ունենայ
Սուրիոյ արտգործ-նախարար Վուալիդ Մուալլեմի հետ, իսկ նախագահ Ասսատի հետ հանդիպումը տեղի
կունենայ սեպտեմբեր 14-ին: Լախդար Իպրահիմիին կ՝ուղեկցին ՄԱԿ-ի 40 աշխատակիցներ։
Իպրահիմին Սուրիոյ հարցով յատուկ բանագնացի պաշտօին նշանակուեցաւ Քոֆի Աննանի գործունէութեան
ժամկետը լրանալէն ետք՝ 2012 -ի օգոստոս 31-ին: Նորանշանակ բանագնացի գլխաւոր առաջադրանքն
է` կարելի եղածին չափ արագ լուծում մը գտնել 1.5 տարի շարունակուող Սուրիական ճգնաժամը
յաղթահարելու համար: