Atë Lombardi: respekti për besimet e simbolet fetare parakusht për bashkëjetesën
paqësore.
Për zëdhënësin e Vatikanit, atë Federiko Lombardin, “fyerjet e pajustifikueshme e
provokimet” edhe një herë kanë shkaktuar ngjarje të “dhunshme të papranueshme” me
sulme ndaj ambasadave të SHBA-së në Egjipt e në Libi. Nga këto sulme janë vrarë tre
funksionarë dhe ambasadori amerikan në Bengazi, Kris Stivens. Sulmet nisen dje në
mbrëmje, kur qindra persona të armatosur u mblodhën përpara konsullatës amerikane
për të protestuar kundër filmit amerikan “Pafajësia e myslimanëve”, që konsiderohet
ofendues ndaj Islamit e profetit Muhamed. Protesta të dhunshme pat edhe para ambasadës
amerikane në Kajro. Në deklaratën e tijzëdhënësi i Selisë së Shenjtë atë
Lombardi thotë: “Respekti i thellë për besimet, tekstet, personalitetet e mëdha
dhe simbolet e feve të ndryshme janë parakusht me rëndësi themelore për bashkëjetesën
paqësore të popujve. Pasojat teje të rënda të fyerjeve e të provokimeve të pajustifikueshme
ndaj sensibilitetit të besimtarëve myslimanë edhe një herë janë akoma të dukshme këtyre
ditëve, si reagimet e nxitura, edhe me rezultate tragjike, që thellojnë tensionet
e urrejtjet, duke shkaktuar shpërthimin e një dhune të papranueshme. Mesazhi i
dialogut dhe i respektit për të gjithë besimtarët e feve të ndryshme që Ati i Shenjtë
po bëhet gati ta sjell në udhëtimin e tij të ardhshëm në Liban, tregon udhën që të
gjithë do të duhej ta përshkonim për të ndërtuar së bashku bashkëjetesën e përbashkët
të feve e të popujve në paqe!"