Աղթամարի Մէջ Աղօթք՝ Սուրիոյ Քաղաքացիական Պատերազմի Զոհերուն Համար։
Վանի Աղթամար կղզիի Սուրբ Խաչ Եկեղեցւոյ մէջ Կիրակի, Սեպտեմբեր 9ին տեղի ունեցաւ,Եկեղեցւոյ
վերանորոգումէն ետք երրորդ Պատարագը: Մօտաւորապէս 1000 հաւատացեալներ ներկայ եղած են
պատարագին։ : Պատարագին մասնակցած են Պոլսոյ Հայոց Պատրիարքական փոխանորդ Արամ արք.
Աթէշեան, Վանի փոխ-քաղաքապետ Աթա Ուսլու, քրտամէտ Խաղաղութիւն եւ ժողովրդավարութիւն կուսակցութեան
անդամներ եւ այլք: Ներկաներուն բաժնուած են սուրբ նշխարներ, ապա յատուկ աղօթք կատարուած
է Վանի երկրաշարժէն տուժածներու եւ Սուրիոյ քաղաքացիական պատերազմի զոհերու յիշատակին: Ապահովական
մարմիններու 260 աշխատակիցներ հսկած են վայրը, մինչ ամբողջ պատարագի ընթացքին կղզիին
վերեւ շրջած է ոստիկանական ուղղաթիռ մը: Հայկական «Ակունք» պարային համոյթի ելոյթի
ընթացքին բարձրացուած հայկական դրօշը, կարճատեւ լարուածութեան պատճառ դարձած է, երբ ներկաներէն
ոմանք արտայայտած են իրենց դժգոհութիւնը: Եկեղեցին այժմ թանգարանի կարգավիճակ ունի
եւ տարին միայն մէկ անգամ՝ Խաչվերաց Տօնին նախորդող Կիրակի օրը, հոն կարելի է պատարագ
մատուցել: