Në Vatikan, luftë kundër riciklimit të parave, me emërimin e një eksperti të ri
Pas Asamblesë dhe raportit të Moneyval për Vatikanin, për të cilat është folur gjerësisht
në korrik, Selia e Shenjtë jo vetëm që nuk e ka pakësuar impenjimin në luftën kundër
riciklimit të parave, por po përpiqet të zbatojë rekomandimet e raportit, duke e vazhduar
rrugën e filluar prej kohësh.
Një sinjal i fortë në këtë drejtim, siç informon
zëdhënësi, atë Federiko Lombardi, është caktimi i një eksperti ndërkombëtar, i cili
do të ndihmojë IOR-in (Institutin e Veprave Fetare) dhe organizmat e tjera të Vatikanit
në luftën kundër riciklimit të parave dhe kundër financimit të terrorizmit.
Fjala
është për Rene Bruelhart, 40 vjeç, jurist nga Friburgu i Zvicrës, që ka qenë për tetë
vjet me radhë drejtor i Njësisë së Sigurimit Financiar të Lihtenshtajnit. Në vitin
2010, është emëruar edhe zv.president i Grupit Egmont, rrjeti global i Njësisë së
Sigurimit Financiar. Me fillimin e shtatorit, Bruelhart ka filluar edhe shërbimin
e tij si këshilltar i Selisë së Shenjtë në luftën kundër krimeve financiare.