Պենետիկտոս ԺԶ Սրբազան Քահանայապետի Լիբանան Կատարելիք Առաքելական Ճամբորդութեան Պաշտօնական Ներկայացումը։

Երեքշաբթի 11 սեպտեմբերի առաւօտեան ժամը 11.30 Սուրբ Աթոռի մամլոյ գրասենեակի ՅՊԲ անուան սրահին մէջ մամլոյ գրասենեակի տնօրէն` հայր ֆետերիքօ Լոմպարտին, մամուլին կը ներկայացնէ Պենետիկտոս ԺԶ Սրբազան Քահանայապետի, սեպտեմբեր 14-16, Լիբանան կատարելիք առաքելական ճամբորդութեան պաշտօնական յայտագիրը ու միջին արեւելքի եկեղեցիներու յետ սիւնհոդոսական յորդորագիրի ներկայացումը։
Առաքելական ճամբորդութեան նշանաբանն է <<խաղաղութիւնս կու տամ ձեզ>>։
Այս առթիւ նշենք որ Լիբանանցի հաւատացեաները անհամբեր կը սպասեն Սրբազան Հօր այցելութեան այս վերջին օրերուն կազմակերպելով նաեւ աղօթքի հսկումներ լիբանանու ամբողջ տարածքի վրայ գտնուղ եկեղեցիներու մէջ։ Ասոնց շարքին նախատեսուած է նաեւ մոամավառութեան նախաձեռնութիւն մը որ տեղի կ՛ունենայ Սրբազան Հօր այցելութեան երկրորդ օրը 15 սեպտեմբերին։ Մայրաքաղաք Պէյրութի տուներու տանիքներու վրայ` Լիբանանի դրօշը խորհրդանշող կարմիր եւ սպիտակ մոմեր պիտի վառուին մինչ կիրակի 16 սեպտեմբերին սպիտակ ու դեղին գոյներով մոմեր պիտի լուսաւորեն տուներու տանիքները որպէս շնորհակալական արտայայտութիւն Սրբազան Հօր Լիբանան կատարած այցելութեան։