Арцыбіскуп Цоліч: экуменізм, гэта не палітычная справа
Арцыбіскуп Цоліч,
старшыня Канферэнцыі Біскупаў Германіі, рашуча асудзіў нямецкіх палітыкаў, якія заклікалі
католікаў і лютэранаў краіны да аб’яднання абодвух хрысціянскіх канфесій. 23 вядомых
інтэлектуалаў краіны, у тым ліку, старшыня Бундэстага Норберт Ламмерт і былы прэзідэнт
Рыхард фон Вайцзекер, падпісаліся пад ініцыятывай “Экуменізм- адзін Бог, адна вера
і адзін Касцёл”. Яны заклікалі касцельных іерархаў да пераадолення падзелаў, якія
існуюць сярод паслядоўнікаў Хрыста спасылаючыся на тэксты Марціна Лютэра і ІІ Ватыканскага
сабора. На думку аўтараў закліку няма ўжо ні палітычных і тэалагічных перашкод да
поўнага адзінства сярод хрысціян.
Арцыбіскуп Цоліч у спецыяльным паведамленні
адзначыў, што Каталіцкі Касцёл падтрымлівае дзейнасць хрысціян на карысць больш глыбокага
адзінства, але поўная і бачная еднасць Касцёла не залежыць ад рашэнняў палітыкаў.
“Каталіцкі Касцёл падкрымлівае экуменічныя ініцыятывы, але пераадоленне падзелаў сярод
хрысціян немагчяыма без тэалагічнага пагаднення”, - адзначыў іерарх і дадаў, што
экуменізм гэта не палітычнае пытанне, але перш за ўсё пошук Бога, на аснове Святога
Пісання і навучання Касцёла.