Падчас свайго Апостальскага
падарожжа ў Ліван, якое пачнецца 14 верасня Бэнэдыкт XVI наведае чатыры розныя Патрыярхаты,
якія маюць свае сябдзібы на тэрыторыі гэтай блізкаўсходняй краіны. Адразу пасля прыбыцця
ў Бейрут Святы Айцец накіруецца ў невялікае прадмесце сталіцы Харысу. Тут у базыліцы
св. Паўла, якая прыналежа грэка-мельхіцкаму Патрыярхату і знаходзіцца побач са знакамітым
санктуарыем Маці Божай Ліванскай, Папа падпіша пост-сінадальную адгартацыю для Блізкага
Усходу. 15 верасня, пасля сустрэчы з прадстаўнікамі дыпламатычнага корпуса, Бэнэдыкт
XVI прыме ўдзел у абедзе разам з Патрыярхамі і біскупамі Лівана, членамі спецыяльнай
рады Сінода Біскупаў для Блізкага Усходу. Гэты абед адбудзецца ў рэфекторыі Армянскага
каталіцкага Патрыярхата ў Бзамары. Вечарам гэта дня, Папа прыме ўдзел у сустрэчы з
ліванскай моладзю. Яна адбудзецца на плошчы перад рэзідэнцыяй Мараніцкага Патрыярхата
ў Бкерке. Нарэшце, 16 верасня, у апошні дзень свайго ліванскага падарожжа Святы Айцец
паўдзельнічае ў экуменічнай сустрэчы ў сіра-каталіцкім Патрыярхаце ў Шарфеце.
Усе
гэтыя месцы знаходзяцца ў непасрэнай блізасці да сталіцы Лівана Бейрута, а мяжу паміж
імі немагчыма ўбачыць вачыма, бо сталіца і прадмесці злучаны паміж сабой.