Ватыканскія музеі
зноў запрашаюць наведвальнікаў пазнаёміцца з выстаўленымі тут творамі мастацтва ў
вячэрні час. З 7 верасня па 26 кастрычніка, кожную пятніцу Папскія музеі будуць адкрыты
дадаткова – з 19.00 да 23.00 гадзіны. Гэта ініцыятыва, якая праводзіцца ў Ватыкане
ўжо чацвёрты год запар, абумоўлена вялікай колькасцю жадаючых наведаць музеі – не
толькі сярод турыстаў, але таксама і жыхароў Рыма. На працягу мінулых гадоў, вячэрнія
прагулкі па музеям карысталася вялікім паспехам сярод сем’яў з дзецьмі, маладых пар,
людзей, які знаходзяцца на працягу дня на працы. Цяпер для іх ёсць магчымасць наведаць
“санктуарый мастацтва і веры”, як называў Ватыканскія музеі Бэнэдыкт XVI, у спакойнай
і асаблівай атмасферы.
Акрамя таго, па традыцыі, вячэрнія прагулкі па музеям
будуць суправаджацца магчымасцю праслухоўвання класічнай музыкі. Спецыяльная праграма
пад назвай “Што ёсць прыгожага?”, была падрыхтавана ў супрацоўніцтве ў Дзяржаўнай
кансерваторыяй імя Джузэппэ Вердэ ў Турыне. Паслухаць канцэрт класічнай музыкі змогуць
усе хто набудзе ўваходны білет у музеі. Для больш эфектыўнай арганізацыі вячэрняга
наведвання Ватыканскіх музеяў патрабуецца папярэдняя рэгістрацыя на сайце museivaticani.va.