Каталіцкі Касцёл у
Калумбіі жадае вярнуць стомленаму ад насілля народу надзею на мір. Аб гэтым у інтэрв’ю
нашаму радыё расказаў біскуп дыяцэзіі Бонавентура Гектар Эпальза Квінтэра, які прыбыў
у Рым у рамках візіта “ad limina apostolorum”. Іерарх адзначыў, што яго дыяцэзія найбольш
пацярпела ў выніку барацьбы паміж калумбійскімі ўладамі і паўстанцамі і таму Касцёл
імкнецца быць для мясцовых жыхароў “добрым самаранінам”, які іх падтрымлівае і суцяшае.
Ён расказаў, што пры епіскапаце дзейнічае спецыяльная камісія пад назвай “Жыццё, справядлівасць,
салідарнасць і мір” мэта якой заключаецца ў спрыянні прымірэнню ў рэгіёне. Камісія
выдае адпаведныя пасланні да насельніцтва і дапамагае пацярпелым у выніку канфлікта.
На 2 лістапада ў дыяцэзіі заплананы Дзень салідарнасці з ахвярамі, падчас якога біскуп
быдзе цэлебраваць св. Імшу на могілкай парафіі, у якой загінула шмат вернікаў.