Պոլսոյ Հայոց Պատրիարքարանը Միացած՝ Միջին Արեւելքի Քրիստոնեաներուն Ուղղուած Կոչին:
Միջին Արեւելքի «Ահաբեկուած քրիստոնեաներուն» կոչ ուղղուած է որպէսզի անոնք մնան Սուրիոյ
մէջ: Նման յորդորով հանդէս եկած է Ասորական եկեղեցւոյ Դամասկոսի պատրիարքարանը: Պատրիարքարանէն
նշած են, որ լարուածութիւնը կը մեծնայ, Լիբանան Հռոմի Պենետիկտոս ԺԶ.Սրբազան Քահանայապետի
յառաջիկայ այցին ընդառաջ:
Կոչի մէջ կը նշուի նաեւ, որ Սուրիոյ մէջ արդարութեան
կարելի է հասնիլ միայն հակամարտող կողմերու միջեւ իմաստաւորուած երկխօսութեան միջոցով:
Կոչին իրենց աջակցութիւնը յայտնած են նաեւ Թուրքիոյ Հայ Առաքելական եւ Յոյն Ուղղափառ
եկեղեցիները: Թուրքիոյ Հայերու Առաջնորդ` Պոլսոյ Հայոց Պատրիարքի տեղապահ, Արքեպիսկոպոս
Արամ Աթեշեան ընդգծած է ՝՝Քրիստոնեաներու Միջին Արեւելք մնալու կարեւորութիւնը՝՝:
Յոյն
Ուղղափառ եկեղեցին նոյն առիթով յիշեցուացծ է որ, ի վերջոյ, «պէտք չէ մոռանալ, որ Միջին
Արեւելքը այն վայրն է, ուր ծնունդ է առած է քրիստոնէութիւնը: Ուստի` տարածաշրջանը մեծ
հոգեւոր կարեւորութիւն ունի: