Պենետիկտոս ԺԶ Քահանայապետի Նախկին Աշակերտներու Ուսումնաժողովը Քահանայապետական Ամարանոցին
Մէջ։
Պենետիկտոս ԺԶ Քահանայապետի աւանդական ուսումնաժողովը իր նախկին աշակերտներուն հետ տեղի
կ'ունենայ քահանայապետական ամարանոցին մէջ 31 օգոստոսէն - 3 սեպտեմբեր։ Այս տարուայ
հանդիպումին նիւթն է. ''համամիութենական հարցեր ու արդիւնքներ լիւտերանական ու անկլիգան
եկեղեցիներու հետ''։ Ուսումնաժողովի այս նիւթը ներշնչուած է եկեղեցիներու միութեան
քահանայապետական խորհուրդի երբեմնի նախագահ` կարտինալ Գասբերի վերջերս հրապարակած հատորէն`
''Քաղել պտուղները։ Քրիստոնէական հաւատքի հիմերը համամիութենական երկխօսութեան մէջ''։
Յայտնենք որ վերոյիշեալ ուսումնաժողովին իր մասնակցութիւնը կը բերէ նաեւ քրիստոնեաներու
միութեան քահանայապետական խորհուրդի նախագահը կարտինալ Գիւրտ Գոխ`։ Ուսումնաժողովը դռնփակ
կը կատարուի։