Եւրոպական Միութիւնը Հայաստանին 60 Միլիոն Էուրօ Պիտի Տրամադրէ։
Եւրոմիութիւնը Հայաստանին 60 միլիոն եւրօ պիտի տրամադրէ, երկրի մէջ դատա-իրաւական բարեփոխումներու,
տնտեսական համագործակցութեան եւ ԵՄ-ի ու Հայաստանի միջեւ համաձայնագրերու համար, կը տեղեկացնէ
«ազատութիւն» ռատիոկայանը: Նոր աջակցութիւնը կը ներառէ ազգային կարեւոր հաստատութիւններու
համար վերապատրաստման հնարաւորութիւններ, փորձագիտական խորհուրդներ, իրաւաբաններու, դատաւորներու
եւ դատախազներու դպրոցներու հիմնում, ինչ որ իր վերջնական արդիւնքով պէտք է ստեղծէ անկախ,
թափանցիկ արդարադատութիւն, որ պէտք է ծառայէ հայ ժողովուրդին: Հարաւային Կովկասէն
Արեւելեան գործընկերութեան մէկ այլ երկրի` Վրաստանին նոյնպէս Եւրամիութիւնը 60 միլիոն
Էուրօ կը տրամադրէ, որ պիտի ուղղուի գիւղատնտեսութեան արդիականացման ու սնունդի անվտանգութեան:
Իսկ Ատրպէյճանը Եւրոմիութենէն աւելի քիչ ֆինանսական աջակցութիւն կը ստանայ` միայն 19.5
միլիոն Էուրօ, որ կ'ուղղուի արդարադատութեան եւ արտագաղթի ոլորտներուն: