Кітай: біскуп сфармуліраваў парады вернікам на Год веры
Кітайскай біскуп Лукас
Лі Джын Фен у 22 пунктах сфармуліраваў рэкамендацыі адносна лепшай падрыхтоўкі да
перажывання Года веры, які пачнецца ў Каталіцкім Касцёле у кастрычніку 2012 г. Іерарх
напісаў адмысловы пастырскі ліст пад назвай “Разважанні аб веры ў Год веры”. З дапамогай
парадаў сфармуліраваных у ім ён вырашыў дапамагчы вернікам сваёй дыяцэзіі лепш падрыхтавацца
да гэтай важнай падзеі.У пасланні біскуп падрабязна патлумачыў у чым заключаецца крызіс
веры ў сучасным свеце, што такое адносіны паміж розумам і верай, верай і паганскімі
звычаямі, аб чым кажа Адкрыццё Божае, Святое Пісанне, а таксама “сённяшніх апосталаў”
– Касцёла і Папы.
Сярод канкрэтных парадаў іерарх падкрэсліў неабходнасць сведчання
веры з боку святароў, глыбокага жыцця паводле ўласных харызматаў з боку законнікаў
і членаў касцёльных рухаў. Іерарх прапанаваў арганізаваць у парафіях штотыднёвыя сустрэчы
з мэтай вывучэння Бібліі і дакументаў Касцёла, а таксама малітоўныя спатканні. Асаблівую
ўвагу ён звярнуў на клопат аб літургіі. Біскуп падкрэсліў важнасць выкарыстання рэлігійных
спеваў, і не дапускаць падчас св. Імшы народных.