На заканчэнне агульнай
аўдыенцыі 29 жніўня Бэнэдыкт XVI прывітаў групу французскіх міністрантаў, які разам
са сваімі душпастырамі прыбылі ў Рым, каб пазнаёміцца з вялікай хрысціянскай спадчынай
Вечнага горада і памаліцца каля магіл святых апосталаў. Звяртаючыся да міністрантаў,
Папа заклікаў іх усведамляць важнасць служэння, якое яны здзейсняюць у Касцёле. “Дарагія
сябры, служэнне, якое вы верна рэалізуеце дазваляе вам быць асабліва блізкімі да Хрыста
ў Эўхарыстыі. Вы маеце вялік гонар стаяць побач з алтаром і Панам. Будзьце святомымі
важнасці гэтага служэння для Касцёла і саміх сябе. Гэта з’яўляецца для вас цудоўнай
магчымасцю, каб узрастаць у сяброўстве і асабістых адносінах з Езусам”, - сказаў Папа.
Бэнэдыкт XVI заклікаў міністрантаў не баяцца дзяліцца з іншымі радасцю, якую
яны атрымліваюць ад прысутнасці побач з Богам! “Няхай ваша жыццё стане сведчаннем
шчасця, якое паходзіць ад блізасці з Панам Езусам. І калі, ў адзін цудоўны дзень вы
пачуеце, што ён кліча ісці за Ім шляхам святарства ці манаскага жыцця, адкажыце яму
з шчодрасцю!”, - заклікаў Папа.
У пілігрымцы французскіх міністрантаў, якая
праходзіць пад дэвізам “Служэнне Пану – гэта радасць чалавека і Бога” прымае удзел
каля 2600 чалавек. Міністрантаў суправаджаюць 10 біскупаў і каля 100 святароў і семінарыстаў.