Մօտ 12.000 Սուրիացի Քրիստոնեաներ Արգելափակուած՝ Լիբանանի Սահմանին.
Մօտ 12.000 Սսուրիացիներ արգելափակուած են Ռապլէ քաղաքին մէջ, Լիբանանի սահմանէն ոչ
հեռու, կը յայտնէ՝՝Ռիա Նովըսթի՝՝ ն ,տեղեկացնելով Վատիկանի Ռատիոկայանը ( քրիստոնեայ
փախստականներու հեռանալուն գլխաւորաբար կը խոչընդոտեն սուրիացի ապստամբները) ։ Աղէտեալ
Եկեղեցիին սատարման Հիմնադրամի տուեալներով, քրիստոնեաները արդէն 2 շաբաթ անջատուած են
արտաքին աշխարհէն եւ չունին մարդասիրական օգնութիւն ստանալու հնարաւորութիւն:Ապստամբները
թոյլ չեն տար օգնութիւն հասցնել անոնց եւ կրակ կը բանան փախստականերու վրայ ամէն անգամ,
երբ անոնք հեռանալու փորձ կը կատարեն: Ըստ Հիմնադրամի ներկայացուցիչին, ապստամբ դիպուկահարները
արդէն 3 տղամարդ սպաննած են. անոնք փորձած էին դուրս ելլել արգելափակուած գօտիէն` սնունդ
հայթայթելու համար: Կառոյցը միջազգային հանրութեան կոչ ըրած է ՝՝ընել հնարաւոր ամէն բան`
արգելափակուած սուրիացի փախստականներուն օգնելու համար՝՝ : Աղէտեալ Եկեղեցիի սատարման
հիմնադրամը հաւաքած է մօտ 800 քկ-անոց մարդասիրական բեռներ եւ յոյսով է, որ անոնք յառաջիկային
կը փոխանցուին փախստականներուն: ՄԱԿ-ի տուեալներով Սուրիոյ հակամարտութեան մէկ ու կէս
տարուան ընթացքին երկիրը լքած է 200.000 հոգի: