Ամերիկահայ ժամագործ Կարօ Անսէրլեանը հեղինակած է ՝՝Մարս՝՝ի ժամացոյցը։ Մարս մոլորակի
մէջ ժամանակը ցոյց տուող ամենաճշգրիտ սարքը, կը տեղեկացնէ Aztag Arabic-ը:Լրատուամիջոցը
կը յայտնէ, որ ան ԱՄՆ-ի Տիեզերագնացութեան գործակալութեան` Նասա-ի Curiosity նախագիծի
անդամներէն կը համարուի:
Curiosity մարսագնացը, ըստ այդմ, Մարս մոլորակի մէջ ժամանակը
չափելու համար կ’օգտագործէ Անսէրլեանի պատրաստած ժամացոյցը, որ առաւելագոյն ճշգրտութիւն
ունի` Կարմիր մոլորակի մէջ ժամանակային առանձնայատկութիւններու նկատառումով:
Մարսի
մէջ, Երկիր մոլորակի չափանիշներով, օրը բաղկացած է 24 ժամ 39 րոպէ 35 վայրկեանէն, ինչ
որ 2,7 տոկոս երկար է երկրային ժամանակէն:
Ըստ աղբիւրի` աւելի վաղ զուիցերիոյ
ժամագործները յայտարարած են, թէ անհնար է Մարսի ճշգրիտ ժամացոյց ստեղծել, որմէ ետք Նասա-ն
դիմած է Անսէրլեանին: Վերջինս կ’աշխատի Քալիֆորնիոյ Մոնտրոս քաղաքի մէջ, կը ղեկավարէ
Executive Jewelers ընկերութիւնը: Անսէրլեանը «Մարսեան» ժամացոյցներու ստեղծման ուղղութեամբ
կ’աշխատի 2004-էն: Ժամացոյցի ստեղծման վրայ ան ծախսած է 2 ամիս ժամանակ: Մինչ օրս վաճառուած
է ժամացոյցի մօտ 1000 նմուշ, իսկ արժէքը 295 տոլար է:
Անսէրլեանի ժամացոյցները
օգտագործուած են նաեւ 2004-ին Opportunity մարսագնացի վրայ:Armenian Weekly-ն հաշուած
է առնուազն 16 հայ գործիչներ, որոնք կ’աշխատին Նասա-ի` Մարսի հետազօտութեան ծրագրի ծիրէն
ներս, որուն մաս կը կազմէ Curiosity նախագիծը: