Бэнэдыкт ХVI прыме на аўдыенцыі французскіх міністрантаў
27 жніўня Зала Друку
Апостальскай Сталіцы паведаміла, што агульная аўдыенцыя ў сераду 29 жніўня адбудзецца
на плошчы св. Пятра ў Рыме, а не ў летняй рэзідэнцыі рымскіх Пантыфікаў у Кастэль
Гандольфа. Папа спецыяльна прыляціць у Ватыкан з огляду на вялікую колькасць пілігрымаў,
якія прыбылі ў Вечны Горад. Напрыклад у пілігрымцы французскіх міністрантаў, якая
праходзіць пад лозунгам: “Служэнне Пану – гэта радасць чалавека і Бога”, прымае ўдзел
больш за 2.600 маладых людзей. Іх узначальваюць 10 біскупаў, сотні святароў і семінарыстаў.
Паводле Залы Друку першапачаткова чакалася, што на сустрэчу са Святым Айцом прыбудзе
толькі каля 600 міністрантаў. Аднак прыбудзе іх у чатыры разы больш.
У Францыі
больш за 50-т тысяч міністрантаў. Іх пастаяннаму росту спрыяюць іх бацькі-католікі.
Больш актыўна стаў працаваць з дзецьмі і моладдзю ўвесць Касцёл у Францыі. Іерархі
ўсвядомілі, ў перыядзе крызісу пакліканняў, што самі пачыналі свой шлях да Бога і
служэяння Яму з міністрантаў. Для шматлікіх французскіх святароў і законнікаў служэнне
з дзяцінства пры алтары стала асноўнай прычынай паклікання.