Бэнэдыкт XVI прызначыў
кардынала Эдуарда Вэля Кірыбога, арцыбіскупа Куіто на пенсіі, сваім спецыяльным пасланнікам
на ўрачыстасці, прысвечаныя 475-годдзю стварэння першай каталіцкай дыяцэзіі Куско
ў Перу і ўсёй Паўднёвай Амерыцы.Святы пройдуць 24-28 кастрычніка. Дыяцэзія Куско была
заснавана 5 верасня 1536 г. Паводле рашэння Святога Пасаду ў 1541г. дыяцэзія Куско
перадала частку тэрыторый утворанай тады дыяцэзіі Лімы, а з падвышэннем яе да Мітраполіі
сама ўвайшла ў яе.
У 1598 г. у Куско была заснавана дыяцэзіяльная семінарыя.
23 мая 1943 г. дыяцэзія Куско была ўзведзена ў ранг архідыяцэзіі. Сёння налічвае
каля 1.5 млн вернікаў, якія складаюць пераважную большасць насельніцтва ў гэтым рэгіёне
свету.